Rektori i Universitetit Luarasi, Et’hem Ruka tha gjatë një interviste me gazetaren e MCN Tv, Oliverda Allmuça se ka një sërë përpjekjesh për ndërkombëtarizimin e shkollave të larta.
Më tej Ruka tha se është pak e vështirë që një student i huaj të vijë dhe të studiojë në Shqipëri për shkak të regjimit të vizave.
Ka një sërë përpjekjesh për ndërkombëtarizimin e shkollave të larta dhe për mendimin tim ka mundësi që studentët e huaj të vijnë në Shqipëri. Nga sa unë kam biseduar me kolegë të universiteteve të tjera mundësia që një student i huaj të vijë në Shqipëri është pak e vështirë për shkak të regjimit të vizave, të hyrjes në Shqipëri dhe kohëqëndrimit. Jam munduar ta evidentoj si problem dhe ta bisedoj me mekanizmat shtetërorë që duhet të vendosen në lëvizje që ta zgjidhin këtë problem.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
