Pjesë e grupeve kriminale, ekstradohen sot nga Dubai 6 persona

Gjashtë persona, pjesë e grupeve kriminale, pritet të ekstradohen sot nga Dubai në Shqipëri.

Të dyshuarit ishin në kërkim ndërkombëtar për veprimtari kriminale në fushat e narkotikëve, krimeve kompjuterike dhe/ose pastrimit të parave. 

Në vijim të bashkëpunimit ndërmjet Departamentit për Marrëdhëniet Ndërkombëtare në Drejtorinë e Përgjithshme të Policisë së Shtetit dhe homologëve në Emiratet e Bashkuara Arabe, do të ekstradohen sot, në Shqipëri, shtetasit:

-Kristo Qirici alias Jetmir Hoxha alias Jetmir Qirici, 44 vjeç; Shkëlzen Kraja, 44 vjeç; Aleks Pepaj alias Shkëlqim Pepaj, 38 vjeç dhe Devid Patrut alias Elidon Skëndaj alias Devid Boraj alias Fatmir Pepaj, 39 vjeç, të gjithë të akuzuar për veprimtari në fushën e narkotikëve dhe/ose pastrim të produkteve të veprimtarive kriminale/veprës penale, kryer në kuadër të grupit të strukturuar kriminal; 

-Ilir Lazri alias Ilir Sula, 30 vjeç, i akuzuar për pastrim të produkteve të veprimtarive kriminale/veprës penale, kryer në kuadër të grupit të strukturuar kriminal; 

-Merxhan Çeliku, 34 vjeç, i akuzuar për mashtrim kompjuterik, kryer në kuadër të grupit të strukturuar kriminal.