Rama: Vijon puna për ndërtimin e Stadiumit të ri në Kukës

Në Kukës vijon puna me ritme të larta për stadiumin e ri “Zeqir Ymeri” të këtij qyteti verior, ka bërë të ditur kryeministri Edi Rama.

Rama ka uruar sot për një ditë të mbarë me pamje nga ndërtimi i këtij stadiumi.

“Mirëmëngjes dhe me disa sekonda nga kantieri i stadiumit të ri të Kukësit, “Zeqir Ymeri”, ju uroj ditë të mbarë”, – tha Rama.

Stadiumi “Zeqir Ymeri” në Kukës po ndërtohet sipas parametrave të UEFA-s.

Impianti i ri sportiv në veri të vendit, i cili parashikohet të përfundojë në fund të gushtit, do të ketë 8 mijë vende, ndërsa pjesë e tij do të jenë dhe ambientet akomoduese.

Stadiumi i ri i Kukësit do të plotësojë të gjitha kriteret që duhen për të pritur edhe ndeshje të kompeticioneve ndërkombëtare.