Në disa aeroportet e Italisë është njoftuar për grevë, e cila pritet që të pengojë ose të shtyjë për disa orë procesin e verifikimit për pasagjerët që hyjnë në vend.
Autoriteti i Aviacionit Civil shkuan se, “Entit Kombëtar të Aviacionit Civil Italian (ENAC), njofton të gjithë pasagjerët që do të udhëtojnë drejt Italisë, për një grevë të lajmëruar të kontrollorëve të trafikut ajror në datë 29/01/2021, nga ora 13:00 - 17:00. Për sa më sipër udhëzohen shoqëritë ajrore dhe pasagjerët e interesuar të komunikojnë dhe të informohen për statusin e fluturimit të tyre”.
Sipas njoftimit të ENAC, greva do të mbahet në aeroportet e Brindisi-t, Perugia, Reggio Calabria dhe Brescia.
Pasagjerët shqiptarë që kanë nesër një fluturim për në Itali duhet të kontaktojnë me linjën ajrore ose me kompaninë që ka bërë ndërmjetësimin e biletës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
