Tirana ka fituar derbin ndaj Dinamo City, me bardheblutë që triumfuan 2-3 në “Elbasan Arena”.
Një ndeshje spektakolare nga të dyja ekipet, me plot pesë gola të shënuar, por edhe tre penallti të akorduara.
Skuadra e Di Biagos kaloi e para në avantazh falë një goli të shënuar nga Luis Kaçorri me kokë në minutën e 24-t.
Megjithatë avantazhi zgjati pak, pasi 6 minua më vonë, Tirana vendosi baraspeshën me një gol të shënuar nga Ardit Hila.
Në minutën e 59-të, një prekje me dorë e Hoxhallarit në zonë, solli penallti për Dinamo City dhe Denisson nuk gaboi nga 11 metra.
Barazimi do të vendosej sërish nga një penallti, kur në minutën e 74-t, Hasani ndalet në zonë në mënyrë të gabuar dhe Latifi nuk gabon përballë Rexhepit.
Ishte përsëri një penallti e akorduar në minutën e 92-të për Tiranën, për prekje me dorë dhe këtë herë ishte Hasani që shënoi golin e përmbysjes dhe të fitores për skuadrën e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
