Papa Françesku nis të martën një udhëtim në dy kombe të ‘brishta’ afrikane të harruara shpesh nga bota, ku konfliktet e zgjatura kanë lënë miliona refugjatë dhe njerëz të zhvendosur të përballen me urinë.
Vizita 31 janar-5 shkurt në Republikën Demokratike të Kongos (DRC) dhe Sudanin e Jugut, e çon papën 86-vjeçar në vendet ku katolikët përbëjnë rreth gjysmën e popullsisë dhe ku Kisha është një lojtar kyç në shëndetësi dhe sistemet arsimore si dhe në përpjekjet për ndërtimin e demokracisë.
Udhëtimi ishte planifikuar të zhvillohej korrikun e kaluar, por u shty për shkak se Françesku vuante nga një shpërthim i një sëmundjeje kronike të gjurit. Ai ende përdor një karrige me rrota dhe bastun, por gjuri i tij është përmirësuar ndjeshëm.
Të dy vendet janë të pasura me burime natyrore, DRC në minerale dhe Sudani i Jugut në naftë, por të mbushura me varfëri dhe grindje.
DRC, e cila është vendi i dytë më i madh në Afrikë dhe ka një popullsi prej rreth 90 milionë banorësh, po viziton për herë të parë një papë që kur Gjon Pali II udhëtoi atje në 1985, kur njihej si Zaire.
Sipas Programit Botëror të Ushqimit të OKB-së, 26 milionë njerëz në DRC përballen me urinë e rëndë.
Kisha Katolike e vendit prej 45 milionë banorësh ka një histori të gjatë në promovimin e demokracisë dhe, me ardhjen e Papa, ajo po përgatitet për të monitoruar zgjedhjet e planifikuara për në dhjetor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
