Presidenti i Republikës, Ilir Meta ka komentuar sot dorëheqjen e kreut të SHISH, Visho Ajazi Lika. Në një intervistë për “Syrin”, Meta tha se largimi i Visho Ajazit ka qenë i papritur, ndërsa në lidhje me propozimin e Ramës për kreun e ri të SHISH-it u shpreh se do ta shqyrtojë kandidaturën e Helidon Bendos me qetësi dhe pa ngut.
“Dorëheqja e Ajazit, për mua ishte e papritur. Një javë më parë e garantova për vazhdimësinë dhe mbështetjen time. Nuk mbaj dot njeri pa dëshirë në funksione. Dekreti për emrin e ri, nuk ka ngut dhe do ta shqyrtoj me qetësi”, tha Meta.
Ndërsa në lidhje me çështjen “Tahiri”, Presidenti tha se “nuk kam asnjë kontakt me kryeprokurorin për çështjen Tahiri, po të më kërkoj mbështetje e ka pa rezerva”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
