Numri i ushtarëve të vdekur të Rusisë në Ukrainë tani ka kaluar shifrën 50,000. BBC Russian, grupi i pavarur mediatik Mediazona dhe vullnetarët kanë numëruar vdekjet që nga shkurti i vitit 2022.
Më shumë se 27,300 ushtarë rusë vdiqën në vitin e dytë të luftimit, sipas gjetjeve, një reflektim se si fitimet territoriale kanë ardhur me një kosto të madhe njerëzore. Rusia ka refuzuar të komentojë.
Numri i përgjithshëm i vdekjeve, prej më shumë se 50,000 është tetë herë më i lartë se i deklaratat zyrtare të dhënave nga Moska në shtator të 2022.
Analiza nuk përfshin vdekjet në Donetsk dhe Luhansk të pushtuar nga Rusia në Ukrainën lindore. Nëse do të shtoheshin, numri i të vdekurve nga pala ruse do të ishte edhe më i lartë.
Ndërkohë, Ukraina rrallë komenton shkallën e viktimave të saj në fushën e betejës. Në shkurt, presidenti Volodymyr Zelensky tha se 31,000 ushtarë ukrainas ishin vrarë, por vlerësimet, bazuar në inteligjencën amerikane, sugjerojnë humbje më të mëdha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
