Një atentat me armë zjarri ka ndodhur në orët e para të mëngjesit të së martës në qytetin e Durrësit.
Ngjarja ka ndodhur në lagjen nr. 18, ku një 29-vjeçar ka mbetur i vrarë.
Sipas burimeve nga policia, viktima është identifikuar si Ermir Dedja.
Mësohet se Dedja ishte një person i njohur për përfshirjen e tij në ngjarje të ndryshme kriminale në qytet.
Durrës/Informacion paraprak
Më datë 20.05.2025, në orën 00:50, në lagjen nr. 18 Durrës, është qëlluar me armë zjarri shtetasi E. D., 29 vjeç, i cili ka humbur jetën në spital.
Në vendngjarje kanë shkuar shërbimet e Policisë dhe po vijojnë kontrollet për kapjen e autorit/ve.
Është ngritur një grup i posaçëm hetimor dhe nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
