Diella 4.0 ka mbërritur dhe tashmë plotësimi i formularëve dhe aplikimet në e-Albania bëhen prej saj. Kështu është shprehur Kryeministri Edi Rama gjatë prezantimit të versionit të ri, i cili shënon kalimin në fazën aktive të këtij programi.
Jemi në fazën që kemi premtuar që Diella kalon në një pozicion shumë aktiv ku i bën vetë gjërat, mjafton kërkesa dhe të presësh pak minuta që të vijë gjithë shërbimi. Prezantohuni me fuqitë e reja të Diellës, shkarkoni aplikacionin dhe e keni e-Albanian në shërbimin tuaj, me një komandë të thjeshtë dhe në pritje aty, Diella punon dhe ju keni shërbimin.”
Risia kryesore e këtij përditësimi është mundësia për të gjeneruar 19 shërbime të ndryshme vetëm përmes një komande të thjeshtë zanore.
Për kategorizime specifike, siç janë shërbimet ndaj pensionistëve, asistentja ndërvepron duke bërë pyetje sqaruese si për shembull "brenda apo jashtë vendit".
Për më tepër, në këtë version të ri është integruar edhe teknologjia e identifikimit përmes skanimit të syrit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
