Më shumë se 130 eurodeputetë kanë nënshkruar një peticion duke kërkuar taksimin e pasurisë së super të pasurve dhe me të ardhurat do të mbështetet “tranzicioni ekologjik dhe social”.
Propozimi ynë është i thjeshtë, të vendoset një taksë progresive mbi pasurinë e ultra të pasurve në shkallë ndërkombëtare për të reduktuar pabarazitë dhe për të marrë pjesë në financimin e investimeve të nevojshme për tranzicionin ekologjik dhe social.
Kështu shkruan në Le Monde, eurodeputetja Aurore Lalucq, nga grupi socialist dhe demokrat dhe ekonomisti Gabriel Zucman, ndër frymëzuesit e fushatës.
Autorët lënë të kuptohet për idenë e një takse 1.5% mbi asetet prej 50 milionë euro, ndërsa theksojnë se niveli i saktë i taksës do të duhet të vendoset kolektivisht dhe në mënyrë demokratike.
Lalucq dhe Zucman, kujtojnë se në vitin 2018 Elon Musk, në atë kohë i dyti në renditjen e më të pasurve në botë, nuk pagoi asnjë cent nga taksat federale dhe se në Francë 370 familjet më të pasura tatohen mes 2 dhe 3 për qind.
Peticioni u nënshkrua kryesisht nga eurodeputetë ambientalistë dhe të majtë, një numër i madh ekonomistësh dhe OJQ ndërkombëtare, përfshirë Oxfam.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
