Eksperti më me emër i sëmundjeve infektive në SHBA, Anthony Fauci, ka deklaruar se për 'imunitetin e tufës' duhet të vaksinohet deri në 90% e popullatës. Sipas Fauci-t sa më shumë njerëz të bëjnë vaksinën aq më shumë janë edhe shanset për të mposhtur pandemisë.
“Ne me të vërtetë nuk e dimë se cili është numri real. Unë mendoj se diapazoni real është diku nga 70 deri në 90 për qind për të fituar imunitetin e tufës. Kur sondazhet thonin se vetëm rreth gjysma e të gjithë amerikanëve do të bënin vaksinën, unë thosha që imuniteti i tufës do të arrihej me 70 deri në 75 për qind,”- i ka thënë Fauci gazetës Times.
Ndër të tjera eksperti I sëmundjeve infektive deklaroi se I kupton ata të cilët kanë frikë të bëjnë vaksinën për shkak të teorive konspirative që I rrethojnë.
Këto deklarata tij erdhën teksa në SHBA është raportuar për më shumë se 3.000 vdekje për të dytën ditë radhazi. Numri i të vdekurve në SHBA arriti në 326,333 nga mesnata e së mërkurës, sipas të dhënave të Reuters.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
