Pesë ditë para zgjedhjeve të parakohshme që do të mbahen në Maqedoninë e Veriut, në mediat sociale po qarkullon një përgjim, ku dëgjohet ish-kryeministri i Maqedonisë së Veriut, Zoran Zaev, teksa ofendon shqiptarët.
Në bisedën ndërmjet Zaevit dhe një personi tjetër, trajtohet tematika e votave. Ish-kryeministri i Maqedonisë së Veriut dëgjohet teksa thotë se “shqiptarët nuk vlejnë as për pesë pare”.
Më pas, personi tjetër i përgjigjet se rreziku tek shqiptarët qëndron se “ata kanë luftëtarë”. Ndërsa Zaev i thotë se “luftëtarët gjenden gjithandej në botë”.
Ky material ka shkaktuar jo pak reagime, duke bërë që edhe vetë protagonisti i tij të bëjë një postim në rrjetet sociale, e të konfirmojë atë që thotë edhe në audion e përgjuar..
BDI nuk vlen pesë pare në tregun e votave. Ky është qëndrimi im sot, ishte qëndrimi im edhe atëherë, në kohën kur u inçizua biseda e publikuar sot. Kishin 20 deputetë, u përgjysmuan në 10, në këto zgjedhje do të kenë edhe më pak. Sidoqoftë, përkundër faktit që BDI nuk vlen as për pesë pare, më 27 prill 2017, unë mbrojta jetën e Talat Xhaferit me jetën time.
Më tej ish-kryeminisri vë bnë dukje se e ka dëshmuar dashurinë dhe respektin për shqiptarët me vepra.
E sollëm ligjin për gjuhët, kujdesemi për të gjitha komunitetet, kam qenë i pari që u kam bërë thirrje maqedonasve që të votojnë për shqiptarët dhe shqiptarët për maqedonasit, kam qenë i pari që hapa partinë për zyrtarë të lartë shqiptar, isha i pari që formova një koalicion parazgjedhor me një parti shqiptare dhe personalisht dhe familjarisht jam i lidhur me shqiptarët, jam kumbar i Muhamed Zekirit dhe kjo është një kënaqësi e madhe për mua.
Sipas ish-kryeministrit, publikimi i këtij manipulimi të turpshëm dëshmon edhe një herë se vota për BDI është votë për Mickoskin dhe Gruevskin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
