Përmbytjet në zonën e Shkodrës kanë krijuar vështirësi mjaft të mëdha përsa i përket përditshmërisë së banorëve apo nevojave të tyre jetësore. Një vajzë 5-vjeçare në fshatin Obot të Shkodrës, ka qëndruar përgjatë gjithë natës me dhimbje barku e të vjella në banesë.
Rruga e përmbytur ku nuk kalon asnjë lloj makine, është bërë shkak që e vogla të durojë deri në orët e para të mëngjesit. Autoritetet vendore kanë vënë në dispozicion një vakrë, me të cilën është bërë transportimi i fëmijës nga fshati Obot për në Spitalin e Shkodrës, ku edhe të merrte shërbim mjekësor.
Gjendja e saj është stabilizuar në spitalin e Shkodrës, ndërsa autoritetet vendore në këtë qytet, kanë bërë thirrje ndaj qeverisë që të shpallet gjendja e jashtëzakonshme si pasojë e problemeve që banorët po hasin nga përmbytjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
