Është përkujtuar sot 5 Maji, Dita e Dëshmorëve të atdheut.
Kryeministri Edi Rama, kryeparlamentarja Lindita Nikolla dhe kryebashkiaku Erion Veliaj kanë vendosur kurora me lule tek “Varrezat e Dëshmorëve”.
Po ashtu homazhe kanë bërë ashtu si çdo vit edhe familjarë të të rënëve.
Presidenti Bajram Begaj nuk ishte vetë i pranishëm në Monumentin “ Nëna Shqipëri”, por në emër të tij u vendos një kurorë me lule.
“Ata sigurisht që e deshën jetën e tyre, por më shumë deshën atdheun, ndaj dhe u martirizuan për atë që ne gëzojmë sot, lirinë. Kurajo, patriotizmi, shpirti i tyre i sakrificës deri në dhënien e jetës, kanë e do të kenë përjetësisht nderimin tonë. Lavdi dëshmorëve të Atdheut”, shkroi Begaj në një postim në rrjetin social “Facebook’.
Dita e Dëshmorëve e ka zanafillën në 5 maj 1942, kur u vra Qemal Stafa.
Në këtë ditë përkujtohen të gjithë ata që sakrifikuan jetën për lirinë dhe të drejtat e çdo qytetari shqiptar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
