Bashkia e Malësisë së Madhe ka zhvilluar tenderin me objekt "Shërbim katering për një darkë iftari" me vlerë rreth 2.4 milionë lekë. Në iftarin që do të shtrohet me rastin e muajit të Ramazanit, do të ketë 150 të ftuar. Në tender thuhet se operatori ekonomik duhet të siguroj ushqime të fresketa e të kontrolluara dhe pijet brenda afatit të skadencës.Ushqimi për çdo person do të jetë: Petulla me mjaltë dhe djathë, sallatë mikse,supë me mish viçi, pilaf me mish viçi, kos, ëmbëlsirë te ndryshme si kasatë hallmë ose treleqe .Në këtë rast është fjalë përëmbëlsirën e njohur italiane treleçe. Ne çmim përfshihen nga tre pije joalkolike për çdo person. Një nga kriteret e tenderit ishte vërtetimi që operatori ekonomik duhet të kishte realizuar gjatë tre viteve të fundit shërbime të ngjashme në një ent publik apo privat.
Nga kërkimet në Qendrën Kombëtare të Biznesit subjekti që ka fituar këtë tender, BORIS 2019 nuk është një restorant, por ofron shërbime nga më të ndryshmet. Ndonëse është hapur në vitin 2019 vetëm gjatë dy viteve të fundit ai ka fituar 11 tendera në këtë bashki.
Bashkia e Malësisë së Madhe ka zgjedhur që edhe darkën e iftarit t`ja shtroj kompania ku ka blerë uniforma për zjarrëfikëse, veshje sportive, furnizim me ushqim për konviket e Tamarës, stufa me dru, xhama për shkolla e shumë produkte të tjera.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
