Aktivistja Sevim Arbana deklaroi në studion e emisionit “Të Paekspozuarit“ se reality show “Big Brother” është një program bosh dhe se ka pasur një zhgënjim për gjininë femërore që është bërë pjesë e këtij produksioni.
Duke vijuar logjikën e saj, Arbana tha se vajzat janë skandaloze dhe në gjuhën që përdorin dhe se në disa raste e kap tensioni kur sheh ndonjë episod.
Epiteti “i degjeneruar“ është i tejkaluar, por është program bosh që dhe në botë që kur është eksperimentuar nuk është se ka pasur audienca të mëdha, sidomos në Evropë, i sheh ajo pjesë që quhet turmë, ata që shohim telenovela.
Duke i vënë prapashtesën ‘VIP’ shtohen emocionet, këtu fillon konflikti se pret të shohësh VIP-a dhe ky ishte zhgënjimi.
Pritshmëritë e mia për vajzat ishin të tjera. Le të themi që zhgënjimi për gjininë femërore është më i madh se për gjininë mashkullore, meshkujt janë shumë më mirë. Vajzat janë skandaloze, dhe në gjuhën që përdorin.
Më kap tensioni kur shoh ndonjë episod të “Big Brother”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
