Një shqiptar dhe një italian u arrestuan për mashtrim në Xhenova të Italisë. Në bashkëpunim me njëri-tjetrin, ata trokisnin në shtëpitë ku jetonin pensionistë dhe me premtimin se do t’u bënin ulje në faturat e gazit dhe energjisë elektrike, u tregonin aparatin e pagesave me kartë (i njëjti që përdoret në supermarkete).
Në momentin që viktimat e mashtrimit nxirrnin kartën dhe e fusnin në pajisje, duke shtypur edhe kodin në sy të tyre, dy personat e mësipërm ua ndërronin kartën dhe u jepnin një tjetër false.
Më pas, me kartën autentike shkonin në bankomatet më të afërta nga ku tërhiqnin shumat e parave.
Mediat italiane shkruajnë se në pranga ka përfunduar Altin Verushi, 49 vjeç, dhe Massimo Di Bella, 46 vjeç, nga Xhenova.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
