Giuseppe Conte është zyrtarisht kryeministër i Italisë. Presidenti Sergio Mattarella e ka ngarkuar atë me fromimin e qeverisë së re. “Do të jem avokat mbrojtës i popullit italian”, tha ai menjëherë pas marrjes së detyrës së re.
Megjithatë, Conte shprehet i vetëdijshëm për sfidat me të cilat do të përballet. “Qeveria do të duhet të fillojë menjëherë me negociatat e vazhdueshme mbi çështjet e buxhetit evropian, reformën e të drejtës së azilit dhe përfundimin e unionit bankar. Qëllimi im është të ndërtoj aleancat e duhura dhe ta çojmë vendin së bashku në drejtimin e duhur”, tha ai.
Por kabineti qeveritar mbetet ende një rebus. Në orët në vijim, Conte dhe Mattarella duhet të punojnë për të zgjedhur një skuadër me përfaqësim të gjerë nga të forcat në aleancë, Lega dhe Lëvizja 5 Yjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
