Kryebashkiaku i Vlorës ka përgënjeshtruar një video të qarkulluar në media, ku thuhet se Dritan Leli ishte nën shoqërinë e kunatit të Lulzim Bashës. Por si qëndron e vërteta e kësaj videoje?
Ka qenë vetë kryebashkiaku Leli, i cili ka reaguar në rrjete sociale duke shpjeguar sipas tij, të vërtetën e videos dhe personit që shoqërohej.
Leli shprehet se personi me të cilin ai shfaqet në video është inxhinier dhe pedagog duke theksuar se kunatin e Bashës nuk e njeh dhe nuk e ka takuar asnjëherë në jetë.
(Foto e shkëputur nga video)
“Për të gjithë ata që nxjerrin çfarë duan e nuk shohin çfarë nxjerrin, me gjithë skenarët e qëndisur, më duhet të them se në videon e publikuar nga media, ndërkohë që është duke u zhvilluar Asambleja Kombëtare e Partisë Socialiste, jam duke biseduar me inxhinierin e pedagogun vlonjat Idlir Dervishi, në oborrin e Akademisë së Arteve, pranë Universitetit Politeknik, ku Idliri punon! Kunatin e Lulit, as nuk e kam parë, as nuk e kam takuar ndonjëherë në jetë”, shkruan Leli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
