Ministria për Evropën dhe Punët e Jashtme (MEPJ), përmes një njoftimi në rrjete sociale ka njoftuar sot se kanë përfunduar tërësisht procedurat për njohjen e ndërsjellë të lejeve të drejtimit, mes Shqipërisë dhe Italisë.
Sipas njoftimit, kjo marrëveshje do të hyjë në fuqi më datë 12 korrik 2021.
“MEPJ njofton se kanë përfunduar tërësisht procedurat e brendshme nga pala italiane, lidhur me marrëveshjen për njohjen e ndërsjellë të lejeve të drejtimit, mes Shqipërisë dhe Italisë”, shkruhet në njoftimin e Ministrisë.
Marrëveshja për njohjen e ndërsjellë të lejeve të drejtimit mes dy vendeve, u firmos më 18 mars në Tiranë mes ministres Xhaçka dhe ambasadorit italian në Shqipëri, Fabrizio Bucci.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
