Në debatin në Kuvend për reformën në drejtësi dhe procesin e integrimit, ish-kryeministri Berisha atakoi ambasadorin e Turqisë, Gent Gazheli.
“Trafikanti, ai financieri Gazheli, e çoi ambasador atje se i duhet për punë të tjera. U bëj thirrje autoriteteve ta kontrollojnë në të gjitha aspektet se druaj shumë se ka shkuar për misione të dyshimta.Qenit plak nuk i hiqet vesi, dijeni nga unë”, tha Berisha.
Në replikën e tij, ministri i Jashtëm, Ditmir Bushati, tha se çdo diplomat emërohet me tre drejtuesve të lartë, përfshirë presidentin.
“Ti emërove në Turqi një person me precedent penalë. Ne kemi çuar atje një person që ka marrë një certifikatë për shkak të punës së tij serioze. Një mandat ambasadori është të paktën 3 firma. Zotëria në fjalë është dekretuar nga presidenti”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
