Policia spanjolle ka goditur një grup shqiptar që merreshin me kultivimin e kanabisit në ambiente të mbyllura, pas një operacioni të zhvilluar në provincën e Zaragaozës.
Siç bëjnë me dije mediat spanjolle, gjatë operacionit policor u sekuestruan 2013 bimë kanabisi dhe mbi 20 kilogramë lule marihuane, ndërsa u zbulua se grupi kishte vjedhur energji elektrike në vlerën e 214 mijë eurove, ekuivalente me konsumin e 250 banesave në një vit.
Në total u arrestuan 9 persona, të moshës 21–46 vjeç, të cilët kishin role të ndryshme në organizatë: nga drejtuesi kryesor që mbulonte logjistikën dhe financat, tek bashkëpunëtorët që transportonin materialet dhe kujdestarët e plantacioneve që jetonin brenda magazinave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
