Rikard Luka, inxhinier ndërtimi, thotë se parandalimi është strategjia më e mirë kur është fjala për tërmetet. Në studion e MCN Economy, ai theksoi se rehabilitimi dhe forcimi i ndërtesave duhet të jetë fokusi kryesor.
Të parandalosh është shumë më mirë sesa t’i përgjigjesh fatkeqësisë. Raporti është 1 me 7 në favor të parandalimit. Pra, duhet të përforcojmë objektet, që kur të bjerë tërmeti të përballohen. Ideja është shumë e mirë. Dua të theksoj diçka sepse shpesh përmendet shembja si aksi i kësaj VKM-je.
Vende shumë më të pasura se ne duan ta harxhojnë një dollarëshin në fazën e parandalimit, që të mos harxhojnë 7 pasi shemben ndërtesat nga tërmeti. Fokusi i kësaj platforme duhet të jetë rehabilitimi dhe forcimi i ndërtesave.
Sipas Lukës, përforcimi duhet të nisë fillimisht nga spitalet dhe shkollat.
Ka diferencë sepse varet nga tipologjia e strukturave mbajtëse. Në vitet ’70 ka nisur përdorimi i betonarmesë. Kostoja varion nga tipologjia e ndërhyrjes. Edhe qytetari duhet të bëhet pjesë sepse po përforcohet banesa e tij. Do ishte mirë ta nisnim nga shkollat dhe spitalet, si infrastrukturë kritike. Ky do të ishte kriteri i parë, nëse nisim të përforcojmë ndërtesat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
