Kryeministri Edi Rama ka mbledhur pasditen e sotme të gjithë kandidatët e PS-së, të gjithë kandidojnë në zgjedhjet e 25 qershorit.
Takimi vjen pas pataktit të arritur dy ditën më parë mes kreut të PD-së Lulzim Basha dhe kryeministrit Edi Rama.
Rama ka thënë para të pranishëmve se ka arritur me Bashën marrëveshjen më të mirë të mundshme dhe ka kërkuar një super organizim për zgjedhjet e 25 qershorit.
Synimi që kryeministri e ka bërë publik një ditë më parë është ndarë edhe me socialistët. “Të marrim 71 mandate vetëm”,- mësohet të ketë thënë Rama, raporton BalkanWeb.
“Për të arritur këtë bëni fushatë derë më derë, të mos lini njeri pa takuar”, mësohet të ketë thënë kryeministri
Mësohet se kreu i ekzekutivit ka përmendur edhe LSI-së, për të cilën tha se i ishte lutur për një koalicion “I lutëm për koalicion që në tetor. Jo sot, jo nesër, Nuk deshën”, ka thënë Rama ndër të tjera.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
