Sulejman Starova, u shpreh se Tirana u shfaq ndryshe në derbin ndaj Partizanit, duke iu referuar topave të gjatë, që kanë luajtur bardheblutë këtë sezon.
Në emisionin “Skaner” në MCN TV, Starova foli edhe për situatën e krijuar nga tifozët në stadium, ku tha se tymi është kthyer në problem dhe duhet dënuar.
“Tirana u rikthye te loja e vet, sepse e kishim parë vetëm me topa të gjatë. Tirana në pjesën e parë shkoi 6 herë në portë. Shkuan ndryshe, jo me topa të gjatë. Bardheblutë luajtën mirë në pjesën e parë. Para 2-3 javëve luanin vetëm me topa të gjatë. Derbi ishte ndryshe. Partizani ka disa javë që e fal këtë 30 minutëshin e parë.
Partizanin e kam parë që çedon në pjesën e parë. Ta lesh Tiranën të të rrezikojë aq shumë, nuk e di. Ai tymi i tifozëve, nuk lë një shije të mirë dhe është bërë i bezdisshëm. Duhet ta dënojmë këtë. Në ndeshje të forta, kur objektivi është i pari, nuk është vetëm një derbi, por është objektivi. Nuk është vetëm derbi, nuk duhet ta lesh kundërshtarin të prekë top.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
