Një aksident tragjik ka ndodhur në orët e para të mëngjesit në Aeroportin e Vlorës, ku një shofer kamioni 60-vjeçar ka humbur jetën pasi është përplasur nga një fadromë.
Viktima u aksidentua gjatë punës, pasi sapo ishte zbritur nga kamioni është shtypur nga mjeti i tonazhit të rëndë.
Si pasojë e dëmtimeve të marra, ai ka ndërruar jetë në vend.
Shoferi i fadromës është arrestuar dhe po mbahet nën hetim për rrethanat e aksidentit.
Njoftimi i policisë së Vlorës
Specialistët për Hetimin e Krimeve në Komisariatin e Policisë Vlorë arrestuan shtetasin Rrahman Sllamniku, 63 vjeç, banues në Prishtinë, Kosovë, pasi dyshohet se më datë 17.01.2025, rreth orës 21:20, në kantierin e ndërtimit të Aeroportit të Vlorës, duke drejtuar një fadromë, ka humbur kontrollin mbi drejtimin e saj dhe ka përplasur një trajler. Si pasojë, drejtuesi i trajlerit, shtetasi N. Xh., 60 vjeç, banues në Dibër, ka humbur jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
