Një menaxhere marketingu ka rrëfyer mbrëmë në Top Show, eksperiencën e saj me ndërhyrjet estetike dhe pendesën për fryrjen e buzëve me silikon.
Anjeza Puka, e cila 10 vjet më parë ka fryrë buzët me silikon, ka treguar që e ka realizuar ndërhyrjen në një sallon bukurie që kryente edhe trajtime estetike.
“Mua më thoshte shoqëria që je e bukur, por buzët i ke të holla dhe më ishte krijuar si kompleks. Një ditë pasi mbarova trajtimin e trupit, lexova te lista e çmimeve Buzë -200 mijë lekë të vjetra. Pyeta pronaren çfarë ishte dhe ajo më sqaroi që bëheshin fryrje buzësh me silikon. Morëm në telefon zonjën që i kryente. Ajo më tha që të mendohesha mirë sepse ishte për gjithë jetën, por unë e mora si avantazh që nuk do më duhej të ndërhyja më”, ka treguar Anjeza.
Sot ajo është penduar për ndërhyrjen dhe dëshira për t’i zvogëluar buzët është e kufizuar për shkak të rrezikut që paraqet operacioni. Anjeza shprehet se sot “asnjë mjek nuk e merr përsipër” ndërhyrjen dhe ajo ka frikë të bëjë një ndërhyrje të dytë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
