Komisioni Qendror i Zgjedhjeve në Kosovë ka përmbyllur procesin e numërimit të votave për zgjedhjet e parakohshme të mbajtura më 6 tetor. Ashtu siç ishte deklaruar në rezultatet paraprake, KQZ konfirmon sërish fituese Vetëvendosjen, e cila ka marrë përkatësisht 202 968 vota, ose 25.48% të votave.
Lidhja Demokratike e Kosovës (LDK) renditet e dyta, duke marrë në total 24.83% të votave të përgjithshme. Ndërsa në vendin e tretë është renditur Partia Demokratike e Kosovës, me 21.25% , e përkthyer në numër votash 169 211. Kurse Lista Serbe ka 6.61 për qind të votave. Koalicioni AAK-PSD ka marrë 92 149 vota, thënë ndryshe 11,57%.
Koalicioni Nisma-AKR-PD mbetet nën pragun e zgjedhor, pasi ka marrë 39 495 vota apo 4.96%. Ndërkaq, nga numërimi i 100 për qind të votave, 40 732 fletëvotime janë shpallur të pavlefshme nga ana e KQZ-së. Theksojmë se rezultatet nuk përfshijnë votat me kusht dhe ato nga diaspora. Komisioni Qendror i Zgjedhjeve ka bërë të ditur se votat me kusht dhe nga diaspora do të numërohen gjatë ditëve në vazhdim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
