Naftëtarët e Ballshit kanë pranuar propozimin e kryeministrit Rama për vënien në punë të uzinës dhe për marrjen e një page me garanci nga qeveria.
Ditën e djeshme, kryeministri zhvilloi një takim me një grup përfaqësuesish nga naftëtarët e Ballshit, të cilët prej më shumë se 1 muaj ishin në grevë për rrogat e prapambetura.
Kreu i sindikatës, Sokol Dautaj, në një prononcim për mediat ka pranuar propozimin e kryeministrit, por për rrogat e prapambetura është shprehur se do të vazhdojnë betejën ligjore me kompanine “Armo”.
Rama ka reganuar menjëherë pas pranimit të propozimit të tij nga ana e naftëtarëve duke i falenderuar për mirëkuptimin dhe besimin.
“Jam i kënaqur që naftëtarët e pranuan propozimin e qeverisë. I falënderoj për mirëkuptimin dhe besimin. Tani e ka radhën qeveria të kalojë nga mbështetja parimore në mbështetjen financiare. Pa humbur kohë. Brenda 48 orësh do takohem përsëri me përfaqësinë për të kaluar në veprim”, shkroi Rama, në Twitter.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
