Nënkryetari i Parlamentit gjerman, Thomas Oppermann, ka vdekur papritur në moshën 66 vjeç. Lajmin e bënë të ditur mediat gjermane. Oppermann, nga radhët e socialdemokratëve, u ndie keq pak para një transmetimi në Zdf TV dhe u dërgua në spital.
Pak kohë më parë, ai pati thënë se nuk do të rikandidonte për në Bundestag, pas 30 vjetësh karrierë politike në mesin e liderëve të SPD, drejtues i grupit parlamentar nga 2013 në 2017.
Oppermann e nisi karrierën e tij politike në vitin 1980. Ai fillimisht u bë deputet në nivel shtetëror në Saksoninë e Ulët në 1990, dhe shërbeu si ministër i shkencës. Ai kaloi në skenën kombëtare në 2005, ku përfaqësoi zonën elektorale të Göttingen. Ai ka mbajtur postin e nënkryetarit të Bundestagut që nga viti 2017.
Katër ditë më parë, Oppermann ishte në Romë për të takuar disa politikanë italianë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
