Dritan Dajti i dënuar për vrasjen e 4 policëve dhe vuan dënimin në burgun e Peqinit u transportua mbrëmjen e se martës për trajtim mjekësor në QSUT në Tiranë.
Ditën e sotme është konfirmuar që Dajti është prekur nga virusi Covid-19. Sipasburimeve, mësohet se i dënuari për vrasjen e katër punonjësve të policisë ndodhet në gjendje të stabilizuar.
Kujtojmë që Dajti është i dënuar për vrasjen e 4 oficerëve të policisë Fatos Xhani, Altin Dizdari, Saimir Duçkollari dhe Kastriot Feskaj në vitin 2009. I dënuar fillimisht me burgim të përjetshëm, atij iu ul dënimi në 25 vjet burg. Dajti ka qenë një nga personat më të kërkuar në Shqipëri. Në dosjet e Prokurorisë dhe Policisë, por edhe në Interpolin Europian, emri i tij shkruhej me të kuqe, pasi cilësohej si një nga personat më të rrezikshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
