Komisioni i Pavarur i Kualifikimit konfirmoi sot në detyrë gjyqtaren e Gjykatës së Shkallës së Parë për Krimet e Rënda, Iliriana Olldashi.
Sipas relatores së çështjes, në bazë të vlerësimeve të bërë në tre komponetet, pastërtia e figurës, pasuria dhe profesionalizmi, gjyqtarja Olldashi nuk rezultoi të kishte problem.
Për këtë arsye KPK, vendosi që ajo të rikonfirmohet në detyrë.
Trupa gjyqësore që kreu procesin e rivlererësimit për Znj. Olldashi përbëhej nga Etleda Çiftja, Pamela Qirko dhe Xhensila Pine.Iliriana Olldashi e ka filluar karrierën në sistemin e drejtësisë në vitin 2000 si gjyqtare në Gjykatën e Fierit. Në vitin 2005, ajo është emëruar gjyqtare në Gjykatën e Krimeve të Rënda në Tiranë, detyrë të cilën e kryen edhe aktualisht.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
