Sot në Zululand ishte i ftuar Rektori i UET-it, Prof. Dr. Tonin Gjuraj, me të cilin Mustafa Nano kish zgjedhur të diskutonte mbi argumentin "Shqiptarët dhe demokracia". Fillimisht folën mbi përvojën e Gjurajt si ambasador i Shqipërisë në Izrael, mbi qëndrimin e ndryshëm që kanë arabët dhe izraelitët ndaj demokracisë. Pyetjes së Nanos nëse, kur vjen puna tek demokracia, ne shqiptarët jemi më shumë arabë apo hebrenj, Gjuraj iu përgjigj: “Pavarësisht defekteve apo anomalive dhe problemeve që ka patur demokracia shqiptare, ne anojmë më tepër nga dëshira ose përpjekjet tona për të qënë hebrenj. Por ne jemi unikë, sidoqoftë.”
Gjuraj foli mbi shprehi demokratike e mbi vlera që ne nuk i kemi. "Vlerat që ne kemi si shoqëri e që i trashëgojmë nga tradita duhet t'i përditësojmë e t'i përafrojmë me vlerat e botës perëndimore", tha ai në thelb.
Në fund, në lidhje me incidentin që ndodhi me Ministren eArsimit Lindita Nikolla, ku studentja Mirela Ruko i hodhi salcë në kokë, z. Gjurajshprehet se për të nuk ishte aspak normale kjo gjë, pasi sipas tij demokracia shqiptare nuk është aq e pjekur sa duhet për t'i pranuar si normale veprime të tilla.
“Nëse studentja që e bëri këtë gjest do të ishte fëmija im, unë ta qortoja në shtëpi”, tha z. Gjuraj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
