Presidenti i zgjedhur i amerikan, Donald Trump, ka paralajmëruar Bashkimin Europian se do të përballet me tarifa tregtare mbi eksportet e saj në SHBA, nëse shtetet anëtare të saj nuk blejnë më shumë naftë dhe gaz amerikan.
Trump ringjalli frikën për një luftë tregtare të afërt midis SHBA-së dhe BE-së në deklaratën e parë publike në lidhje me tregtinë që kur u zgjodh president në nëntor.
“I thashë Bashkimit Evropian se ata duhet të plotësojnë deficitin e tyre të jashtëzakonshëm me Shtetet e Bashkuara me blerjen në shkallë të gjerë të naftës dhe gazit tonë. Përndryshe, TARIFA deri në fund!!!”, shkroi Trump në rrjetin social Truth.
SHBA është prodhuesi më i madh në botë i naftës dhe gjithashtu është shfaqur si furnizuesi më i madh i gazit natyror të lëngshëm për bllokun që kur furnizimet ruse me gaz tubacioni për klientët e saj evropianë u ndërprenë pas pushtimit në shkallë të plotë të Ukrainës në fillim 2022.
Këtë javë, një studim i qeverisë amerikane, i porositur nga administrata Biden, zbuloi se rritja e eksporteve amerikane të gazit natyror të lëngshëm mund të çojë në një rritje të çmimit të gazit deri në 30% për klientët vendas të gazit.
Presidentja e Komisionit Evropian, Ursula von der Leyen, tha muajin e kaluar se gazi nga SHBA mund të përdoret për të zëvendësuar importet e mbetura të bllokut të gazit të lëngshëm, ndërsa Bashkimi Europian përpiqet t’i japë fund varësisë së saj nga karburantet fosile ruse.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
