Një ngjarje e rëndë ka ndodhur paraditen e sotme në rrugën e Paskuqanit, në Tiranë, ku një konflikt brenda familjes ka përfunduar në dhunë fizike me armë të ftohtë.
Sipas njoftimit zyrtar të Komisariatit të Policisë Nr. 5, rreth orës 11:00, pas një konflikti të çastit për motive të dobëta, shtetasi E. M., 29 vjeç, ka plagosur me thikë dy vëllezërit e tij, Z. M., 27 vjeç dhe A. M., 20 vjeç.
Menjëherë pas marrjes së njoftimit, shërbimet e policisë kanë mbërritur në vendngjarje dhe, falë veprimeve të shpejta, kanë bërë të mundur kapjen dhe shoqërimin e autorit të dyshuar, shtetasit E. M., për veprime të mëtejshme procedurale.
Të dy të plagosurit janë transportuar në spital dhe ndodhen nën kujdesin e mjekëve. Fatmirësisht, janë jashtë rrezikut për jetën.
Materialet në lidhje me këtë ngjarje i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për vijimin e hetimeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
