Përfundimi i kontratës së Adrien Rabiot me Juventusin në fundin e sezonit, ka filluar ti vërë në lëvizje drejtuesit për gjetjen e një elementi të ri për mesfushën.
‘’ Zonja e Vjetër ‘’ medoemos do të pretendojë rikuperimin e terrenit të humbur në Itali dhe më gjerë dhe për këtë aryse kanë filluar të bëhen llogaritë për vijimësinë.
Mikel Merino është një ndër kandidatët për të veshur bluzën bardh e zi, një referent i padiskutueshëm jo vetëm tek Real Sociedad por edhe tek Spanja e Luis de la Fuentes.
27 vjeçari e përfundon kontratën me ‘’ Los Txiuriurdines ‘’ në 2025-sën dhe për drejtuesit e këtij klubi shitja e tij do të evitonte largimin nga San Sebastian me parametër zero gjatë verës së ardhshme.
Klauzola e prishjes së kontratës së Mikel Merinos i arrin 60 milionë eurot por sipas ‘ Tuttosport ‘ , thuhet se ish rekordmenët e kampionatit italian mund të sigurojnë shërbimet e tij për afro 40-45 milionë euro.
Nxënësi i Imanol Alguacil është momentalisht një ndër më të mirët e La Ligas dhe gjithashtu është grumbulluar rregullisht nga numri një i stolit të ‘’ La Furia Rojas ‘’ gjatë eleminatoreve të Europianit dhe Nations Leagues.
Një kalim në ‘’ Allianz Stadium ‘’ për ishi-n e Newcastle United do të ishte një progres në karrierë dhe një përforcim cilësor për skuadrën e Massimilliano Allegrit.
Pak javë përpara mbarimit të sezonit Mikel Merino po e përforcon figurën e tij gjatë çdo sfide me ekipin nga San Sebastian, kontributi i të cilit deri më tani është demostruar me 7 gola në 39 sfida, përfshirë të gjitha kompeticionet.
Real Sociedadi natyrisht mbetet një kandidat potencial për pjesëmarrjen në Europë në sezonin vijues dhe ecuria e deritanishme e rikonfirmon këtë fakt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
