Pas vendimit të Kosovës për të bojkotuar ceremoninë e çmimit Nobel edhe Shqipëria ka ndërmarrë të njëjtin vendim, duke bojkotuar ceremoninë që do të mbahet në datën 10 dhjetor në Stokholm. Lajmin e bëri të ditur ministri i Jashtëm i Shqipërisë, Gent Cakaj, ku përmes një njoftimi në rrjetet sociale Cakaj shpjegon se ka udhëzuar ambasadorin e Shqipërisë në Suedi për të bojkotuar ceremoninë.
“Kemi udhëzuar ambasadorin e Shqipërisë në Suedi që të bojkotojë ceremoninë”, reagoi Cakaj në Twitter.
Kujtojmë, që shkaku i mospjesëmarrjes së Shqipërisë është ndarja e Çmimit Nobel për Letërsi shkrimtarit austriak Peter Handke. Ky shkrimtar ka mbështetur ish-presidentin, Sllobodan Millosheviç gjatë luftërave në ish-Jugosllavi në vitet 1990. Më parë, ka reaguar edhe Akademia e Shkencave së Kosovës, duke kërkuar të anulohet Nobeli për shkrimtarin Handken.
Të njëjtën gjë ka bërë edhe Akademia e Shkencave të Shqipërisë, e cila përmes një letre drejtuar Akademisë së Shkencave në Suedi e konsideroi akt të rëndë të dhunimit të vlerave njerëzore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
