Mandati i Olta Xhaçkës, Kuvendi i kërkon Kushtetueses të konsultohet me Komisionin e Venecias

<p>Një grup deputetësh të maxhorancës, përmes Kuvendit, i kërkojnë Gjykatës Kushtetuese rihapjen e rishqyrtimit gjyqësor për mandatin e deputetes Olta Xhaçka. &nbsp;</p> <p>Ata kërkojnë që të rihapet shqyrtimi i mbyllur 25 qershorin e kaluar, ndërsa Gjykata Kushtetuese është tërhequr për vendim për kërkesën e dytë&nbsp; të deputetëve opozitarë, të cilët kanë kërkuar zhbërjen e vendimit të Kuvendit për të mos e çuar mandatin e Xhaçkës në gjykatë.</p> <p>Për Kuvendin, kjo ka krijuar situata të paqarta juridike dhe në këto kushte i sugjerohet Gjykatës Kushtetuese të kërkojë një mendim nga institucioni më i kualifikuar, ai i Komisionit të Venecias.</p> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" style="float:left" typeof="foaf:Image" width="600"></a></p> <p><em>“Krijohet një situatë kontradiktore në mënyrën se si duhet të votojnë deputetët, ku nga njëra anë janë të lirë të zgjedhin vetë të votojnë apo të mos votojnë, pa u lidhur me kërkesa të ndryshme që mund të vijë nga kushdo dhe nga ana tjetër janë përsëri të detyruar që të votojnë në mënyrë të caktuar. Qartazi një situatë e tillë krijon tension për demokracinë përfaqësuese”, </em>thuhet në letër.</p> <p>Kuvendi kërkon më shumë qartësi edhe për faktin se pse 1/5 e deputetëve, që Kushtetuta u jep të drejtën që ta vënë në lëvizje Gjykatën Kushtetuese për çdo lloj çështje, nuk mund ta bëjnë këtë kur bëhet fjala për mandatin e deputetit.</p> <blockquote> <p><em>E shohim të nevojshme që të kërkohet një mendim këshillimor nga Komisioni i Venecias, në lidhje me raportin midis demokracisë përfaqësuese parlamentare dhe rolit të Kuvendit në rastin e shqyrtimit të mocioneve për papajtueshmërinë e mandatit të deputetit.</em></p> </blockquote> <p>Pranimi i kërkesës nga Kushtetuesja do të kërkojë kohë shtesë për pritjen e opinionit të Komisionit të Venecias.</p> <p>&nbsp;</p>