Dy shpërthime në Kabul u kanë marrë jetën 29 personave dhe kanë lënë 49 të tjerë të plagosur. Atentatet që mbajnë autorësinë e Shtetit Islamik dhe janë kryer në lagjen qendrore Shash Darak në Kabul, pas ambasadës amerikane dhe ndërtesës së NATO-s. Një zëdhënës i Ministrisë së Shëndetësisë tha se viktimat dhe të plagosurit u dërguan në spitalet Ëazir Akbar Khan dhe Emergency. Atentati i dyfishtë u ka marrë jetën tetë gazetarëve, ndërsa disa të tjerë janë plagosur.
Shteti Islamik e mori përsipër sulmin. Në një komunikatë të agjencisë së tij të shtypit, Amaq, thuhet se operacioni ka shkaktuar 90-100 viktima.
Ndërsa Komiteti për Sigurinë e gazetarëve afganë, AJSC, bëri të ditur se të paktën 8 prej viktimave janë gazetarë, fotografë dhe kameramanë, ndërsa 6 operatorë të tjerë janë plagosur. Mediat ndërkombëtare bëjnë të ditur se qëllimi i shpërthimit të dytë ka qenë për të vrarë reporterët që mbërritën në vendngjarje për të raportuar lajmin e atentatit. Po ashtu për shkak të shpërthimit të dytë kanë mbetur të vdekur edhe punonjës të ndihmës së shpejtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
