Ministri gjerman i shëndetësisë Jens Spahn njoftoi sot se vendi i tij do të angazhohej në diskutime me Rusinë për të blerë vaksinën Sputnik V kundër Covid-19.
Ndërkohë që vaksina aktualisht është nën rishikim nga Agjencia Evropiane e Barnave (EMA).
"Unë i shpjegova në emër të Gjermanisë Këshillit të Ministrave të Shëndetësisë së BE-së, se ne do të diskutojmë me Rusinë, së pari për të ditur se kur dhe cilat sasi mund të dorëzohen," i tha ministri stacionit rajonal rajonal WDR.
Spahn tha se Komisioni Evropian kishte njoftuar të Mërkurën se nuk do të negociojë në emër të 27 vendeve anëtare për të blerë vaksinën Sputnik V.
Vaksina ruse e Covid është regjistruar tashmë në 59 vende, por nuk ka marrë ende dritën jeshile nga EMA.
Vaksina është 91,6% efektive, sipas rezultateve të provës klinike të Fazës III të botuara në Lancet. Efektet anësore më të zakonshme që janë vënë re kanë qenë gjendje gripale, reagime në vendin e injeksionit, dhimbje koke dhe mungesë energjie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
