Shërbimi i Kontrollit të Brendshëm të Burgjeve ka arrestuar mbrëmjen e djeshme drejtorin e komanduar të burgut të Reçit, me urdhër të Prokurorisë së Rrethit Gjyqësor Shkodër.
Gjykata e Shkodrës nga ana tjetër, ka caktuar masën “arrest me burg” dhe “Pezullimi i ushtrimit të një detyre a shërbimi publik” për Ervis Zikën, me detyrë drejtor i komanduar i burgut.
Dyshohet se Zika ka shpërdoruar detyrën, duke futur sende të ndaluara në ambientet e vuajtjes së dënimit.
Po ashtu, ai akuzohet edhe për vjedhje të karburantit,përmes firmosjes së kartelave fiktive.
Arrestimi i Zikës vjen pas disa ngjarjeve të ndodhura më parë në këtë burg, që në kohën kur drejtohej nga Maliq Meta. Meta është shkarkuar nga posti i drejtorit të Burgut të Reçit në Shkodër, më 12 janar të këtij viti.
Bashkë me të edhe Robert Bundo Shefi i policisë në këtë institucion dhe polici Gëzim Qoshku.
Pezullimi i tyre nga puna erdhi pas akuzave se falsifikuan raportin për një konflikt fizik brenda burgut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
