Bota supozohet se do të bëhet një vend më i mirë për gratë. Ka fushata të tëra kundër ngacmimit seksual, punohet për garantimin e lejes së lindjes dhe zhdukjen e diferencës në paga. Por përtej këtyre duket se ka edhe një diferencë tjetër. Ajo e kënaqësisë. Studimet e konfirmojnë këtë: kur është fjala te kënaqësia seksuale, femrat marrin më pak. Një studim i vitit 2017 me 52 mijë të rritur në SHBA, evidentoi se 65% e grave të pyetura kishin pasur orgazma gjatë raporteve të tyre intime. Ato përbënin grupin më të pakënaqur seksualisht nga të gjithë të pyeturit (meshkuj, lesbike dhe biseksualë). Por ky nuk është një trend i ri. Edhe një studim tjetër i mëparshëm, i kryer në 2009, tregoi rezultate të njëjta.
I njëjti studim zbuloi se gratë kishin pesë herë më shumë gjasa sesa burrat të raportonin një farë dhimbjeje gjatë seksit, dhimbje kjo që nuk ka lidhje me kënaqësinë, por një e tillë e padëshiruar.
Si specie, ne kemi shumë mijëvjeçarë përvojë sa i përket seksit. Megjithatë, ka ende shumë që ende shumë gjëra që nuk i kuptojmë në mënyrë kolektive për seksin - dhe veçanërisht për përvojat seksuale të grave. Shumë aspekte të seksit mbeten të mbuluara me mite dhe keqkuptime, madje edhe ata prej nesh që e konsiderojnë veten të arsimuar për trupin tonë, vazhdojnë t’i besojnë disa prej tyre.
Një prej tyre është ideja që fiziologjikisht është më e lehtë për burrat të arrijnë orgazmën - një "fakt" për të cilin shumica e njerëzve nuk mendohen dy herë. Megjithatë, hulumtimi nga Instituti Kinsey ka zbuluar se gratë e arrijnë orgazmën nga masturbimi në të njëjtën kohë me burrat, mesatarisht pak më pak se 4 minuta. Gratë në marrëdhënie me gra të tjera gjithashtu raportojnë një shkallë të lartë të kënaqësisë seksuale. 86 për qind të atyre që u pyetën në sondazhin e vitit 2017 raportuan se kishin kaluar një orgazmë gjatë çdo takimi seksual me një partner në muajin e kaluar - e ngjashme me përgjigjet nga burra homoseksualë dhe biseksualë. Pra, gratë nuk janë më "të komplikuara" se burrat. Megjithatë, ato po bëjnë seks më pak të këndshëm - dhe ndonjëherë edhe të dhimbshëm.
Victoria Beltran, pedagoge në Universitetin e Floridës Jugore në Shën Petersburg, thotë se ka shumë faktorë dhe pornografia është njëri prej tyre.
Pornoja zakonisht paraqet vetëm orgazëm mashkullore, dhe shumica e saj tregon një lloj dhune ndaj partnerëve femra. Kjo absolutisht mund të shtrembërojë mënyrën sesi disa burra i shohin gratë partnere gjatë aktit seksual - si një dhuruese e kënaqësisë, jo si marrëse. Dhe gratë që shikojnë pornografi hetero po shohin të njëjtën gjë.
Një tjetër arsye sipas Beltran është se burrat nxitojnë.
Shumë burra dhe gra nuk e kuptojnë rëndësinë fiziologjike të të paktën 20 minutave të paralojës, në mënyrë që ta bëjnë seksin të rehatshëm dhe të kënaqshëm për gratë.
Studiuesja e Universitetit të Miçiganit, Sara McLelland, zbulon një tjetër fakt: burrat dhe gratë përdorin terma krejt të ndryshëm për të përshkruar mungesën e kënaqësisë. Gratë përdorin terma si "depresion", "dhimbje" dhe "degradim". Burrat kurrë nuk përdorin një gjuhë kaq negative për veten e tyre; në vend të kësaj, ata përmendin arsye të tilla si vetmia, të pasurit një partnere seksualisht jo tërheqëse dhe stimulimi i pamjaftueshëm seksual.
Detyrimi i grave për të dhënë kënaqësi seksuale dhe ideja që kënaqësia e tyre është një shtesë opsionale, është ngulitur thellë në mënyrën se si ne flasim kulturalisht për seksin. Kur revista “Cosmopolitan” e pyeti këngëtaren dhe tekstshkruesen Nicki Minaj për seksin në një intervistë të vitit 2015, ajo bëri bujë në media me përgjigjen e saj: Kërkoj orgazmën. Mendoj se gratë duhet të kërkojnë orgazmën… Më kanë thënë që jam si djalë. Pse e kërkoj? Uh, sepse unë e bëj. Të dy po e bëjmë këtë për të njëjtën arsye. Dhe të dy duam të njëjtën ndjesi në fund”.
Cila është zgjidhja për t’u barazuar në fushën e lojës seksuale?
Shumë prej ideve që ne zhvillojmë në lidhje me seksualitetin dhe trupat tanë fillojnë me edukimin seksual që marrim në shkollën fillore. Siç thekson Orenstein, "Fëmijët shkojnë në shkolla gjatë pubertetit dhe mësojnë se djemtë kanë ereksion dhe derdhje, dhe vajzat kanë periudha dhe shtatzëni të padëshiruar". Ky lloj i të menduarit nuk hap derën për një jetë të shëndetshme seksuale - për këdo.
Beltran, që gjithashtu drejton uebfaqen edukuese Healthy Sex & You, do të dëshironte ta shihte konceptin e kënaqësisë të përfshirë në edukimin seksual.
Në Holandë, kjo po ndodh. Atje kurrikula e edukimit seksual fillon që në moshën katër vjeçare dhe vendi ka normën më të ulët në botë për shtatzëninë te adoleshentët. Kujdesi shëndetësor riprodhues është më i arritshëm dhe më pak i stigmatizuar për të rinjtë sesa është në SHBA.
Një pjesë e madhe e kurrikulës së tyre nuk i kushtohet diskutimit të marrëdhënieve seksuale. Ata fillojnë me aftësitë dhe mjetet që duhen për t'u përgatitur për të folur për seksin dhe kënaqësinë me një partner, për të mbrojtur kënaqësinë tënde, për të pranuar një "jo" ose për të marrë pëlqimin entuziast dhe për të patur një intimitet domethënës. Ata u drejtohen prindërve për t'i ndihmuar dhe bëjnë biseda me ta.
Dhe kjo ka funksionuar. Rezultatet tregojnë se në këtë pikë, vajzat holandeze janë shumë më përpara se ato amerikane.
Sigurisht, nuk janë vetëm biseda të tilla ato që formojnë edukimin e tyre seksual. Edhe pornoja ka rolin e vet. Beltran thotë se ajo që u duhet mësuar të rinjve është artificialiteti mbi të cilin ngrihet pornografia.
“Porno është zakonisht hera e parë që dikush sheh një akt seksual ose një trup të zhveshur, zakonisht kjo ndodh rreth moshës 14 vjeç. Shumica [të rinjtë] sigurisht nuk e dinë se sa përgatitje, komunikim dhe skenar ka pasur para se të bëhej ajo skenë. Unë do të doja që industria e pornografisë ta trajtojë këtë me kujdes duke bërë video seksi që ekspozojnë edhe atë që zakonisht pornoja e “fsheh pas derës”, si diskutimet dhe marrëveshjet e bëra nga talenti mbi llojin e akteve seksuale që do të kryhen, kur, sa etj. Ky është pëlqimi. Të rinjtë duhet të kenë njohuri pornografike në mënyrë që të jenë konsumatorë më të mirë seksualë".
A mund të ngushtohet kjo ndarje e madhe mes sekseve kur është fjala për orgazmën?
Kënaqësia kërkon besim, por në shoqërinë tonë, ne flasim për seksin në një mënyrë që krijon turp dhe fshehtësi. Fatkeqësisht, pa arsim gjithëpërfshirës seksual në shkollat e mesme, dyshoj se do të arrijmë të sigurojmë një mjedis mjaftueshëm të sigurt për të rinjtë që janë kuriozë për aktivitetin seksual, të tillë që ta praktikojnë në mënyrë të sigurt dhe për këtë arsye të kuptojnë se çfarë është e pëlqyeshme”, thotë Beltran.
Përveç kësaj, inkurajimi i një shoqërie të shëndetshme seksualisht është punë që duhet të bëhet edhe në moshën e rritur.
"Si qenie seksuale, ne si njerëz nuk jemi statik, kështu që as edukimi ynë seksual nuk ka pse të jetë i tillë ... Ne thjesht duhet të heqim dorë nga frika, turpi dhe ankthet që kemi rreth trupit tonë", thotë Billie Quinlan, bashkë- themelues dhe CEO i Ferly, një udhëzues në internet që synon të promovojë mirëqenien seksuale, në fjalimin e saj për TEDxClapham.
Ne duhet të jemi në gjendje të shprehim haptas, duke pyetur se çfarë duam dhe çfarë nuk duam, dhe na duhet shkenca për eksitimin dhe dëshirat tona, në mënyrë që të dimë pse trupi ynë po reagon ashtu siç bën me seksin.
Kjo gjithashtu do të thotë ta konsiderojmë kënaqësinë e partnerit po aq të rëndësishme sa e jona - as më shumë, as më pak.
Në epokën e rrjeteve sociale, ku bombardohesh me të përkryerën, ndërtimi i vetëvlerësimit duhet të jetë një përparësi
“Jetojmë në shoqëri që përpiqet shumë për t'ju bërë të ndiheni keq me veten. Të fuqizohesh, të punosh për vetëvlerësim dhe imazh të shëndetshëm të trupit dhe të kesh marrëdhënie mbështetëse emocionale dhe të shëndetshme psikologjikisht mund t’i ndihmojë të gjithë njerëzit të marrin më shumë kënaqësi në jetën e tyre seksuale”, thotë Beltran.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
