Vrasja në Velipojë/ Arrestohen dy të plagosurit dhe shpallen në kërkim 3 vëllezërit Verracaku

Dy personat e plagosur në ngjarjen e mbrëmshme në Velipojë janë arrestuar këtë të diel.

Për këtë ngjarje janë arrestuar si bashkëautor të dyshuar të kesaj ngjarje të plagosurit, shtetasit Hasan Verracaku, si dhe nipi i tij shtetasi Elmidin Dyli, të cilet janë në spitalin e tramumes në Tiranë, të dyshuar për kryerjen e vepres penale “Vrasje në rrethana të tjera cilësuese, kundër dy ose më shumë personave” dhe “Prodhimi dhe mbajtja pa leje e armëve luftarake dhe municionit” në bashkëpunim.
 
Gjithashtu janë shpalluar në kerkim shtetasit Abedin Verracaku, Shyqyri Verracaku, dhe Besmir Verracaku, vëllezer keta me banim në fshatin Pulaj/Velipojë, Bashkia Shkodër, të dyshuar si bashkëautor të dyshuar në këtë ngjarje, për kryerjen e vepres penale “Vrasje në rrethana të tjera cilësuese, kundër dy ose më shumë personave” & “Prodhimi dhe mbajtja pa leje e armëve luftarake dhe municionit” në bashkëpunim,

Gjithashtu pas 16 orësh janë gjetur dhe sekuestruar dy armë zjarri pistoleta, njëra prej të cilave u gjet në vendin e ngjarjes, ndërsa tjetra u gjet gjatë kontrollit në hotelin e familjes Gocaj.

Grupi hetimor, nën drejtimin e Prokurorisë, vijon punën për zbardhjen e plotë të rrethanave të ngjarjes, identifikimin dhe kapjen e personave të tjerë të përfshirë në konfliktin me armë.

Materialet procedurale do t’i kalojnë Prokurorisë së Rrethit Gjyqësor Shkodër, për veprime të mëtejshme.