Berlini do të ndalojë importin e naftës ruse deri në fund të vitit

Gjermania do të ndalojë importin e naftës nga Rusia deri në fund të vitit.

Këtë deklaratë e pohoi  ministrja e Jashtme gjermane, Annalena Baerbock pas një takimi me homologët e saj baltik.

Unë them qartë dhe pa mëdyshje se Gjermania po eliminon plotësisht importet ruse të energjisë. Berlini do të përgjysmojë importin e naftës deri në verë dhe do ta zerojë deri në fund të vitit. Pastaj gazi do të pasojë sipas një udhërrëfyesi të përbashkët evropian, sepse dalja jonë e përbashkët, dalja e plotë nga BE, është forca jonë e përbashkët.