Policia e Tiranës njofton se sot, rreth orës 17:10, ka marrë informacion për një shtetas të mitur, 15 vjeç, i cili ka paraqitur kërkesë për ndihmë mjekësore në spital.
Dyshohet se gjatë një konflikti për motive të dobëta, në një piceri pranë zonës së ‘Ali Demit’, i mituri është plagosur me armë zjarri.
Aktualisht, 15-vjeçari ndodhet në spital dhe është jashtë rrezikut për jetën.
Shërbimet e Policisë, së bashku me grupin hetimor, kanë shkuar menjëherë në vendngjarje dhe kanë arritur të identifikojnë autorin e dyshuar. Për arsye hetimi, identiteti i tij nuk është bërë i ditur ende.
Hetimet për zbardhjen e plotë të rrethanave të ngjarjes vijojnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
