Zgjedhjet në Francë, rikthehet ish-presidenti Hollande

<p>Shpërndarja e parlamentit nga Macron pas fitores së të djathtës ekstreme franceze në zgjedhjet parlamentare evropiane ka rivizatuar me shpejtësi linjat e politikës franceze.</p> <p>Një aleancë e re e krahut të majtë është shfaqur dhe kreu i partisë kryesore të krahut të djathtë ka njoftuar se është i përgatitur të mbështesë një aleancë me të djathtën ekstreme, duke ndezur debate brenda partisë së tij.</p> <p>Të shtunën, policia vlerësoi se një çerek milion njerëz protestuan në të gjithë Francën kundër perspektivës së ardhjes së ekstremit të djathtë në pushtet.</p> <p>Por nuk është aspak e sigurt se pesha e së djathtës ekstreme do të pakësohet në zgjedhjet legjislative.</p> <p>Hollande, presidenti i Francës nga 2012-2017, u largua nga posti në një moment që popullariteti i tij ishte në nivelin më të ulët ndonëjeherë. Atë nuk e do një pjesë e së majtës radikale dhe madje edhe udhëheqja socialiste e sheh me dyshim.</p> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" style="float:left" typeof="foaf:Image" width="600"></a></p> <p>Ai tha se do të kandidojë si deputet për departamentin jugperëndimor Correze për Frontin e Ri Popullor, një grupim i krahut të majtë i formuar për zgjedhjet që përfshin socialistët, të majtët e fortë, të Gjelbrit dhe Komunistët.</p> <p>"<strong><em>Një vendim i jashtëzakonshëm për një situatë të jashtëzakonshme</em></strong>," u tha Hollande gazetarëve, duke shpjeguar rikthimin e tij të befasishëm.</p> <p><strong><em>"Unë nuk po kërkoj asgjë për veten time,"</em></strong> këmbënguli ai, pasi një mori paraqitjesh të fundit në media ndezën spekulime se ai mund të jetë duke synuar një rikthim në Pallatin Elysee.</p> <p>Hollande ka mbështetur tashmë aleancën e re të gjerë të krahut të majtë, duke thënë se ne "duhet të bëjmë gjithçka për t'u siguruar që e djathta ekstreme të mos vijë në pushtet në Francë".</p> <p>Zyrtarisht, Partia Socialiste reagoi me gjakftohtësi ndaj kësaj lëvizjeje me kreun e komisionit të saj zgjedhor, Pierre Jouvet, duke thënë thjesht se “merr parasysh” kandidaturën.</p> <p>Zgjedhjet u thirrën nga Macron pasi Tubimi Kombëtar i ekstremit të djathtë (RN) mposhti partinë e tij qeverisëse qendrore në zgjedhjet evropiane të javës së kaluar, duke regjistruar më shumë se dyfishin e votave të saj.</p> <p>Raundi i parë do të zhvillohet më 30 qershor dhe i dyti më 7 korrik.</p>