Doja Cat anulon turnet për shkak të një operacioni

Doja Cat njoftoi të premten se do t'i nënshtrohet një operacion "rutinë" të bajameve, duke ndikuar në anulimin e disa shfaqjeve të ardhshme.

"Çkemi djema. Doja që ju ta dëgjonit fillimisht nga unë”, filloi këngëtarja e “Woman” në një deklaratë të postuar në Twitter dhe Instagram.

“Fatkeqësisht më duhet të bëj një operacion në bajamet e mia sa më shpejt. Kirurgjia është rutinë, por rikuperimi do të zgjasë pak për shkak të ënjtjes. Kjo do të thotë që duhet të anuloj festivalin tim këtë verë si dhe turneun e The Weeknd. Ndihem e tmerrshme për këtë, por mezi pres që kjo të shërohet dhe t'i rikthehem të bërit muzikë," përfundoi ajo.