Rrahjet e zemrës janë shenja kryesore e jetës, edhe tek fetusi. Dhe është kjo rrahje zemre që gratë hungareze do të duhet të dëgjojnë përpara se të bëjnë një abort.
Ndaj dhe ky vendim i ri i qeverisë së Viktor Orbanit është botuar në Gazetën Zyrtare hungareze.
Përveç kërkesave të parashikuara tashmë për abortin, rregulli i ri e bën të detyrueshme që mjekët t'u paraqesin grave provat e identifikueshme qartë të funksioneve vitale të fetusit.
Nënshkruar nga ministri i Brendshëm Sandor Pinter, dekreti do të hyjë në fuqi të enjten më 15 shtator. Partia e ekstremit të djathtë Mi Hazank tha se ishin të kënaqur që nënat tani do të dëgjojnë rrahjet e zemrës së fetusit.
Të paktën për disa sekonda, zemra mund të dëgjohet nga nëna para se të kryhet aborti.
Kështu tha deputetja Dora Duro në një postim në Facebook.
Në Hungari, aborti deri në javën e 12-të të shtatzënisë ka qenë i ligjshëm që nga vitet 1950.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
