Sektori hekurudhor i Francës ka ndërprerë lëvizjet duke nisur një grevë masive kundër reformave të punës të ndërmara nga presidenti Emmanuel Macron.
Fillimi i grevës është quajtur ‘E Marta e zezë’, por aksioni do të përhapet përgjatë tre muajve në vijim, duke prekur dy ditë në çdo pesë prej tyre.
Qytetarët u panë veten në veshtirësi për të mbërritur në vendin e punës për shkak të numrit të paktë të trenave që po operonin. Sipas BBC, në bazë të të dhënave, grevës i janë bashkuar katër sindikatat më të mëdha.
Trazirat paraqesin sfidën më të madhe të presidentit Macron, që nga zgjedhja e tij majin e kaluar kur erdhi në krye të Elysee.
Sipas raporteve të kompanisë shtetërore të hekurudhave SNCF, afro 77% e makinistëve dhe 44% e stafit kanë ndërprerë punën duke refuzuar një sërë politikash që janë propozuar nga presidenti Macron. Ndërkaq, grevës i janë bashkuar edhe një pjesë e sektorit energjitik si dhe punonjësit e mirëmbajtjes.
Protestuesit kërkojnë kryesisht përmirësime të kushteve të punës, rritje pagash si dhe tërheqje të Macron nga idetë e tij për liberalizimin e mëtejshëm të tregut të punës.
Ekspertët e kanë konsideruar këtë si një test të madh për liderin francez, i cili përballet për herë të parë me një valë masive protestash.
Edhe trafiku ajror po ashtu është ngadalësuar, pasi punonjësit e ‘Air France’ që kërkojnë rritje rroge, janë në ditën e katërt të aksionit dhe kompania operon me 75% të fluturimeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
